Зуҳриддин Қодиров қиличбозлик бўйича жаҳон чемпиони бўлди
Бу Ўзбекистон спортининг қиличбозликдаги илк олтин медали ҳисобланади.
Айни шу кунларда Бирлашган Араб Амирликларида қиличбозлик бўйича ёшлар ўртасида жаҳон чемпионати бўлиб ўтмоқда. Бугунги мусобақа дастурида ўғил болалар ўртасида сабля йўналишида баҳслар ўтказилди.
Унда ўзбекистонлик спортчи Зуҳриддин Қодиров мусобақа доирасида барча рақибларини мағлуб этган ҳолда олтин медалга сазовор бўлди. У мусобақа давомида Канада, Миср, Венгрия, АҚШ ва Германия вакилларини мағлубиятга учратди ва жаҳон чемпионлигини қўлга киритди.
Таъкидланишича, бу мустақил Ўзбекистон тарихига Олимпия ўйинлари дастуридан ўрин олган қиличбозлик йўналиши бўйича жаҳон чемпионатларидаги биринчи олтин медал сифатида кирди.
