Ван Гал ўрнини Куман эгаллайди

 

Голландия терма жамоасининг янги бош мураббийи этиб Роналд Куман тайинланади. Бу ҳақда терма жамоа матбуот хизмати хабар берди. У аввалроқ простата саратони билан курашаётганини эълон қилган Луи ван Галнинг ўрнини эгаллайди. Куман 2023 йилдан бошлаб терма жамоани бошқаради.

 

Ван Гал бетоб бўлишига қарамай, жамоани 2022 йилнинг ноябридан декабрига қадар Қатарда бўлиб ўтадиган жаҳон чемпионатига олиб чиқишга муваффақ бўлди. Жаҳон чемпионатининг гуруҳ босқичида Голландия термаси Эквадор, Сенегал ва Қатар терма жамоалари билан ўйнайди. Ван Гал мамлакат терма жамоасини уч марта бошқарган. 2014 йилги жаҳон чемпионатида учинчи ўринни эгаллаган.

 

Роналд Куман 2020/2021 йилги мавсумда “Барселона” бош мураббийи сифатида ишлади. Бу вақт давомида у жамоа билан “Қирол кубоги”ни қўлга киритди ва Ла Лигада 3-ўринни эгаллади. Роналд 2021 йил 28-октабр куни “Барселона” бош мураббийлигидан истеъфога чиқарилган эди.

 

Аввалроқ, Кумандан кейин яна бир голландиялик “Барселона”нит арк этиши мумкинлиги ҳақида хабар берилганди.

 

Жамшидбек Амиров