Клопп Гвардиолани дунёнинг энг яхши мураббийи сифатида тан олди
Мураббий барча унинг фикрига қўшилишини айтди.
“Ливерпул” бош мураббийи Юрген Клопп “Манчестер Сити” мурабийи Пеп Гвардиолани дунёнинг энг яхши мураббийи деб атади.
"Гвардиола - дунёнинг энг яхши мураббийи. Ўйлайманки, барча бу фикрга қўшилади. Унга қандай қилиб кимдир шубҳа қилиши мумкинлигини тушунмайман. Гвардиола ҳалигача “Манчестер Сити” билан Чемпионлар лигасида ғалаба қозона олмагани омадсизликдир”, - дея Юрген Клоппнинг сўзларини “Sky Sports” нашри келтирди.
Эслатиб ўтамиз, 10 апрель, якшанба куни Англия премьер-лигасининг 32-тури доирасида “Манчестер Сити” – “Ливерпул” учрашуви бўлиб ўтади. Ўйин Англиянинг Манчестер шаҳридаги “Этиҳад” стадионида бўлиб ўтади.
Аввалроқ, Юрген Клопп билан Жеймс Милнер қандай жанжаллашиб қолгани ва Муҳаммад Салоҳ “Барселона”га ўтмаслиги ҳақида хабар берилганди.
Жамшидбек Амиров
