Ротен Бенземани Роналдунинг “Реал Мадрид”даги вориси деб атади
Собиқ футболчи Карим Бензема Франция термаси тарихида қолишини айтди.
Франция терма жамоасининг собиқ ярим ҳимоячиси Жером Ротен “Реал” ҳужумчиси Карим Бензема ҳақида гапирди ва уни Криштиану Роналдунинг вориси деб атади.
“Бенземанинг дунёдаги энг нуфузли клуб бўлмиш “Реал”да қилаётган ишларини ортиқча баҳолаб бўлмайди. У Криштиану Роналдунинг вориси бўлди. Ҳучумчи ҳозирда жамоани майдонда бошқармоқда. “Реал Мадрид”да Бензема Раулнинг рекордини янгилади. Ростини айтсам, Карим Франция терма жамоаси тарихида қолишига ишончим комил”, — дея Жером Ротиннинг сўзларидан “RMC” Sport нашри иқтибос келтирди.
Аввалроқ, “ПСЖ” президенти Неймарни “Барса”га таклиф қилгани ва Бенземани Мадридда олиб қолишмоқчи эканлиги ҳақида хабар берилганди.
Жамшидбек Амиров
