Славче Войнески: "Эътиборсизлигимиз қимматга тушди"

 

 

"Пахтакор" бош мураббийи Славче Войнески ОЧЛ 1-туридан ўрин олган "Сепахон" билан ўйиндан сўнг ўз фикрларини билдирди.

 

"Ўйинни икки қисмга бўлган бўлардим. Биринчи бўлимда баҳсни назорат қилдик, гол урдик, яхши ҳаракатландик. Бироқ иккинчи бўлимда стандарт вазиятлардан кейин икки марта қўпол хато қилдик ва ҳисобда ортда қола бошладик. Кейин олдинга ташланиш натижасида учинчи голни ўтказдик. Руҳий ва жисмоний тайёргарлик ёнма-ён юради. Хатоларни эътиборни йўқотганимиз билан изоҳлаган бўлардим. Бу бизга қимматга тушди. Йигитлар охиригача курашишди, бунинг учун уларга раҳмат. Гуруҳда барча беллашувлар оғир кечади, буни ўйиндан олдин ҳам айтиб ўтгандим. Яхши савияли жамоалар жамланган гуруҳдан жой олганмиз", — дея клуб матбуот хизмати Войнескининг сўзларини келтирди.

 

Эслатиб ўтамиз, кеча "Пахтакор" клуби сафарда Эроннинг "Сепахон" жамоасига 3:1 ҳисобида имкониятни бой бериб қўйди.

 

Аввалроқ, "Пахтакор" учун синов бошланаётгани ҳақида хабар берилганди.

 

Жамшидбек Амиров