Криштиану Роналду мухлиснинг телефонини синдириб, ундан узр сўради
Ҳодисага “Эвертон” жамоаси билан ўйиндаги мағлубият сабаб бўлган.
“Манчестер Юнайтед” футболчиси Криштиану Роналду “Эвертон” билан ўйиндаги мағлубиятдан сўнг мухлиснинг телефонини ерга уриб синдирди.
Ҳодиса АПЛнинг 32-туридан ўрин олган “Манчестер Юнайтед” – “Эвертон” учрашувидан сўнг юз берган. Португалиялик футболчи майдонни тарк этаётганда трибуна ёнидаги йўлакчага мухлисга тешишли телефонни улоқтирган.
Шундан сўнг Роналду ўз Инстаграм саҳифасида мухлисдан узр сўраган.
“Ҳозирги оғир дамларда ҳиссиётлар билан курашиш қийин. Нима бўлган тақдирда ҳам, ҳурмат билан, сабрли бўлиб, чиройли ўйинимизни ёқтирадиган ёшларга ўрнак бўлишимиз лозим.
Мен қилган ишим учун узр сўрайман. Иложи бўлса, ҳалоллик ва спорт тамойиллари белгиси сифатида ушбу мухлисни “Олд Траффорд”даги ўйинга таклиф қиламан”, — дея пост қолирган футболчи.
