Чимаев Камару Усмон билан жанг қилолмайди — Генри Сеxудо
UFС чемпиони швед жангчиси ҳақида гапирди.
Икки вазн тоифасида собиқ UFС чемпиони Генри Сеxудо асли чеченистонлик швед жангчиси Ҳамзат Чимаевнинг бразилиялик Гилберт Бернс билан UFС 273 турнири доирасидаги ғалабасига изоҳ берди.
“Яхши жанг бўлди. Ҳакамлар тўғри қарор қабул қилишди, лекин Чимаев Камару Усмон билан худди шундай жанг қилса, унда катта муаммолар юзага келади. Биз бу жангда у қандай қилиб ҳақиқий жангчига айланганини кўрдик”, — деди Сеxудо.
Эслатиб ўтамиз, UFС 273 турнири АҚШнинг Жексонвилл шаҳрида бўлиб ўтди. Ҳакамлар қарорига кўра унда Ҳамзат Чимаев ғалаба қозонди. Ушбу ғалаба швед жангчиси учун қаторасига 11-ғалаба бўлди.
Олдинроқ Сежудо фаолиятини қайта тиклаши мумкинлигини маълум қилганди.
Аввалроқ, Макгрегор “Челси”ни сотиб олмоқчи эканлиги ва Ҳабиб Нурмагомедов Чемпионлар лигаси фаворитларини айтгани ҳақида хабар берилганди.
Жамшидбек Амиров
