ЕЧЛ. Лукаку жамоасига ёрдам беролмайди
Бу ҳақда клуб бош мураббийи маълум қилди.
«Челси» бош мураббийи Томас Тухел ЕЧЛ 1/4 финал жавоб учрашувидан аввал жамоа форварди Ромелу Лукаку Мадриддаги баҳсда майдонга туша олмаслигини маълум қилди.
"Жароҳатлар ҳақида гапирадиган бўлсам, Каллум Ҳадсон-Одои ҳали ҳам бизга ёрдам бера олмайди, Бен Чилуэлл эса узоқ муддатга сафдан чиққан.Ромелу Лукаку оёғининг тўпиқ қисмидаги оғриқлар сабабли бизга ёрдам бера олмайди. Сесар Аспиликуэта эса сафга қайтди, у Мадридда майдонга тушиши мумкин", - дея Тухелнинг сўзларини келтирган клуб расмий сайти.
Маълумот учун, «аристократлар» Лондонда ўтган 1/4 финал босқичнинг дастлабки баҳсида «Реал»га 1:3 ҳисобида мағлуб бўлишди. Жавоб ўйини бугун Мадрид шаҳрида бўлиб ўтади.
Аввалроқ, Абрамович Ла Лига клубини сотиб олмоқчи эканлиги ҳақида хабар берилганди.
