Иброҳимхалил Йўлдошев клубини ўзгартиради
Ўзбекистон терма жамоаси футболчисига Москванинг “Спартак” клуби қизиқиш билдирмоқда.
“Sport-Ekspress” нашри хабарига кўра, “Нижний Новгород” клубининг 21 ёшли ўзбекистонлик ҳимоячисига Москванинг “Спартак” жамоаси қизиқиш билдирмоқда.
Қайд этилишича, Москва клуби Иброҳимхалил Йўлдошевни қарийб икки ойдан буён кузатиб келмоқда. У Россия Премьер-лигаси 22-тури доирасида “Спартак” дарвозасини ишғол (1:1) этгач, москваликларнинг футболчига нисбатан қизиқиши янада ортган. Россиянинг кўп карра чемпиони саналмиш ушбу клуб, март ойида жамоа билан хайрлашиб Бразилияга қайтган Айртон ўрнига Йўлдошевни таклиф этишни режалаштирмоқда.
Маълумот учун, 21 ёшли чап қанот ҳужумкор ҳимоячи Россия чемпионатининг жорий мавсумида 19 ўйинда битта гол урди ва 2 та голли узатмани амалга оширди. Трансфермаркт портали Иброҳимхалилнинг нархини 800 минг еврога баҳоламоқда.
Аввалроқ, U-23 Осиё чемпионатига қуръа ташлангани ҳақида хабар берилганди.
Жамшидбек Амиров
