“Барселона” мухлиси сифатида бу ҳолатдан уяламан — Лапорта
Жамоа президенти мухлислардан норози.
“Барселона” президенти “Айнтрахт”га қарши ўйинда “Камп Ноу”даги вазиятни шармандалик деб атади.
Каталонияда бўлиб ўтган Европа лигаси ўйинига немис клубининг кўплаб мухлислари ташриф буюришди. Ҳисоб-китобларга кўра, учрашувда каталонияликларнинг 20 минг ортиқ мухлиси ўйиндан норози ҳолда трибунани тарк этишди.
“Трибунада содир бўлган воқеа такрорланиб бўлмайдиган шармандаликдир. Биз қаттиқроқ ўйнашимиз ва баъзи хатоларга йўл қўймаслигимиз керак эди. “Барселона” мухлиси сифатида мен у ҳолатдан уялдим. Трибунада кўрганларимдан хижолат бўлдим”, — деди Жоан Лапорта.
Аввалроқ, “Барселона” трансферлар учун маблағ излаётгани ҳақида хабар берилганди.
Жамшидбек Амиров
