Роналдo профессионал клуб эгасига айланди
Собиқ футболчи 70 миллион долларга янги жамоа сотиб олди.
Бразилиялик собиқ ҳужумчи, икки карра жаҳон чемпиони Роналдo “Крузейро” жамоасининг 90 фоиз акциясини сотиб олиб, жамоа эгасига айланди. Бу ҳақда клуб сайти маълум қилди. Келишув собиқ футболчига 70 миллион долларга тушган.
Шу тариқа “Крузейро” Роналдoга тегишли иккинчи клубга айланди. У шунингдек, Испаниянинг “Валядолид” клубига ҳам эгалик қилади.
Эслатиб ўтамиз, 1993 йилда Роналдo ўзининг биринчи профессионал футбол клуби “Крузейро”га 50 000 доллар эвазига кўчиб ўтган эди. Клуб сафида 1993 йилнинг июль ойидан 1994 йилнинг августига қадар тўп сурган. У бу вақт мобайнида 57 та гол уриб клубнинг энг яхши тўпурарига айланган. Шундан сўнг Европа клублари унга жиддий қизиқиш билдирган. Шу тариқа Роналдo 1994 йилда Голландиянинг “ПСВ” клубига ўтади ва у ердан Европадаги фаолияти бошланади.
Аввалроқ, Роналдунинг автопарки намойиш этилгани ҳақида хабар берилганди.
Жамшидбек Амиров
