“Барса” яна кучайтирилади
Клуб бош мураббийи ёзги трансферлар ойнаси вақтида жамоани янада кучайтириб олиш ниятида.
“SSMA” нашрининг хабар беришича, Андреас Кристенсен ва Франк Кессиенинг трансфери испаниялик мутахассис учун етарли бўлмаяпти. Эрнандес клуб раҳбариятидан чап ва ўнг қанот ҳимоячиси, Дембеле жамоани тарк этган тақдирда бошқа бир вингер ҳамда марказий ҳужумчи олиб келишни сўрамоқда.
Аввалроқ Жоан Лапорта клуб 2 та трансферни ҳал қилиб бўлгани ва ёзги трансферлар ойнаси вақтида камида 4 та янги харид амалга оширилиши ҳақида хабар берганди.
Эслатиб ўтамиз, бир неча кун аввал каталонияликлар Европа Лигаси чоракфиналида “Айнтрахт”га қарши жавоб учрашувида мағлуб бўлиб, мусобақани тарк этган ва катта эҳтимол билан мавсумни совринсиз якунлаш арафасида турибди.
