Африка чемпиони “Ливерпул” учун жуда зарур
“Ливерпул” Мане билан шартномани узайтириш борасида музокараларни бошлади.
“Ливерпул” клуби ҳужумчи Садио Манега янги шартнома таклиф қилди. Бу ҳақда журналист Экрем Қўнур twitter саҳифасида хабар берди.
Манбага кўра, инглиз клуби 30 ёшли футболчига 2025 йилнинг ёзига қадар шартнома таклиф қилмоқда. Сенегаллик ҳужумчининг амалдаги шартномаси келаси мавсум охирида якунига етади.
Маълумот ўрнида: Мане 2016 йилда “Саутгемптон”дан “Ливерпул”га 41,2 миллион евро эвазига ўтган эди. Ҳужумчи жорий мавсумда барча мусобақаларда 41 та ўйинда майдонга тушиб, 18 та гол урди ва 2 та голли узатмани амалга оширди.
Трансфермаркт портал Маненинг нархини 80 миллион еврога баҳолаган.
Аввалроқ, Юрген Клопп билан Жеймс Милнер қандай жанжаллашиб қолгани ҳақида хабар берилганди.
Жамшидбек Амиров
