UFC афсонаси қайтмоқда
У иштирокида жанг ёзда бўлиб ўтади
Узоқ вақт давомида P4P рейтингини бошқарган UFC афсонаси Жон Жонс яна октагонга қайтмоқда. Америкалик собиқ чемпионнинг жанги ёзда бўлиб ўтиши режалаштирилмоқда. Унинг рақиби бошқа бир собиқ чемпион Стипе Миочич бўлади. Бу ҳақда UFC президенти Дана Уайт TMZ "Sports" нашрига берган интервьюсида маълум қилди.
"Бу ёзда бизда ажойиб турнирлар бор ва умид қиламанки, Жон Жонс улардан бирида иштирок этади. Менимча, унинг Стипе Миочичга қарши жанги энг мантиқий. Бунинг устида ишлаяпмиз", - деди ташкилот раҳбари.
Агар бу жанг ҳақиқатан ҳам бўлиб ўтса, катта эҳтимол билан бу чемпионлик жанги бўлади ва Жонс ва Миочич оғир вазн тоифасида вақтинчалик UFC чемпионлик камари учун жанг қилишади.
Аввалроқ, "UFC Vegas 51" нинг тўлиқ карди эълон қилингани ҳақида хабар берилганди.
