Лукакуга кутилмаган харидор чиқди

 

Хабарларга кўра, «Милан» бельгиялик футболчини қўлга киритиши мумкин. Бироқ эҳтимолий трансфер бир қанча омилларга боғлиқ. Биринчидан, ҳужумчининг ҳозирги нархи (тахминан 77 млн фунт) «россонери» учун тўлаб бўлмас даражада, худди шу жиҳат футболчининг маошига ҳам (ҳафтасига 325 минг фунт) тегишли.

 

Аммо «Челси»нинг янги эгалари харажатларни оптималлаштиришга қарор қилишлари ва Лукакуни анча арзонга сотишга рози бўлишлари мумкин. Иккинчидан, «Милан»ни «Инвестсорп» компанияси сотиб олса, трансферларга кўпроқ пул ажратиши эҳтимол.

 

Шунингдек, Италия жамоаси Лукакуни қўлга киритган тақдирда ҳам, эҳтимол, «Челси»дан футболчига маошнинг бир қисмини тўлашда давом этишини сўраши мумкин.

 

Ҳужумчи бу мавсумда АПЛда 21 та ўйинда майдонга тушиб, 5 та гол уришга эришди. У ўтган мавсумда «Милан»нинг бошқа бир клуби — «Интер»да ўйнаб, А Церийада 36 та баҳсда 24 та тўп киритганди.

 

Лукаку аввалроқ «Интер»ни яхши кўриши ва «нерадзурри» сафига қайтмоқчилиги ҳақида айтганди.

 

Аввалроқ, "Манчестер Юнайтед"га янги бош мураббий тайинлангани ҳақида хабар берилганди.