“Шерлар” бугун шерлигини кўрсата оладими?
Бугун Чемпионлар лигасининг навбатдаги тур ўйинлари бўлиб ўтади.
Унда Тошкентнинг “Пахтакор” клуби Осиё чемпионлар лигаси 5-турида доирасида Эроннинг “Сепахан” клуби билан баҳс олиб боради.
Ҳозиргача эронликларга қарши беллашувларда “Шерлар” 24 беллашувнинг 14 тасида зафар қучган. Тўрт ўйинда дуранг қайд этилиб, рақиблар 6 бор ғалаба қозонган. Рақиб дарвозасига 34 тўп киритилиб, 25 гол ўтказиб юборилган.
“Сепахан” билан уч беллашувнинг иккитасида рақиблар устун келган. Бир ўйин “Пахтакор” ғалабаси билан тугаган.
Баҳсни “Пахтакор” таркибида Икром Алибоев ва Миржаҳон Мираҳмадов дисквалификация сабабли ўтказиб юборади. Эронликлар сафида бундай йўқотиш мавжуд эмас.
Маълумот учун: “Сепахан” ва “Пахтакор” ўртасидаги ўйин бугун Бурайда шаҳридаги “Қирол Абдуллоҳ” стадионида Тошкент вақти билан соат 22:15да бошланади.
Аввалроқ, Осиёда футбол мавсуми бошланаётгани ҳақида хабар берилганди.
Жамшидбек Амиров
