Айни дамда Бензема дунёнинг энг яхши ҳужумчиси — Гюндоган
У Карим Бензема Роналдунинг соясида қолиб келганини айтди.
“Манчестер Сити” ярим ҳимоячиси Илкай Гюндоган “Реал” ҳужумчиси Карим Бензема ҳақида гапирди.
“Айни дамда Бензема Левандовски билан бирга дунёнинг энг яхши ҳужумчиси. У оёқ билан бирга боши билан ҳам жуда яхши ўйнайди. У танқидчиларга кучли ҳужумчи эканлигини кўрсатмоқда. Карим узоқ вақт давомида Криштиану Роналдунинг соясида қолиб келди. Бенземада “Олтин тўп”ни олиш учун барча имкониятлар мавжуд”, - деди Гюндоган.
Эслатиб ўтамиз, 26 апрель куни UEFА Чемпионлар лигаси 1/2 финалининг биринчи ўйини “Манчестер Сити” – “Реал” ўртасида бўлиб ўтади. Жавоб ўйини эса 4 май куни Мадрид шаҳрида ўтказилади.
Аввалроқ, Бенземага президентлик сайловида овоз берилгани ҳақида хабар берилганди.
Жамшидбек Амиров
