Ажойиб ўйин бўлди — Карим Бензема
Ҳужумчи Чемпионлар лигасининг ярим финали ҳақида гапирди.
Мадриднинг “Реал” клуби ҳужумчиси Карим Бензема “Манчестер Сити”га қарши Европа Чемпионлар лигасининг биринчи ярим финал ўйинидаги жамоасининг ўйини ҳақида фикр билдирди.
“Бу ажойиб жамоага қарши биринчи ярим финал ўйини бўлди. “Манчестер Сити” ўйинни яхшироқ бошлади, бироқ биз ўйин охирига қадар таслим бўлмадик ва баъзи вазиятлар ярата бошладик. Сиз бундай катта жамоаларга қарши кучли босимдан ўта олишингиз керак. Биз буни уддалай олдик ва якунда учта гол уришга муваффақ бўлдик”, - деди Бензема.
Эслатиб ўтамиз, кеча Мадрид клуби инглизларга 4:3 ҳисобида имкониятни бой берди. Ярим финалнинг жавоб ўйини 4 май куни Мадриддаги “Сантяго Бернабеу” стадионида бўлиб ўтади.
Аввалроқ, FIFА Украинага 1 миллион доллар ва дори-дармон жўнатгани ҳақида хабар берилганди.
Жамшидбек Амиров
