Дел Перо: “Сити” “Реал”га 8 та гол уриши мумкин эди”
Собиқ футболчи Чемпионлар лигасининг ярим финалида “Манчестер Сити”нинг ғалабаси ҳақида фикр билдирди.
“Ювентус” собиқ ҳужумчиси Алессандро Дел Перо “Манчестер Сити” — “Реал” учрашувидан кейин фикрлари билан ўртоқлашди.
“Турнир тарихидаги ажойиб ўйинлардан бири бўлди. “Манчестер Сити” 4 та гол киритди, аммо 8 та гол уриши ҳам мумкин эди. Кичик деталлар ҳам ўйин натижасига таъсир қилди. Бошқа тарафдан оладиган бўлсак, Реал таркиби чемпионлардан иборат. Карим Бензема ва Лука Модрич сингари ўйинчилар рақибни ҳар қандай хатоси учун жазолай оладиган даражадаги ижрочилардир. Бензема майдонда нималар қилганини кўрдингиз. “Реал” 0:2 ҳисобида ютқазаётганда у жамоасини уйғотди. Бу ўйинда ҳали ҳеч нарса маълум эмас, барчаси Мадридда ҳал бўлади”, — деди Дел Перо.
Маълумот учун, жавоб учрашуви 4 май, чоршанба оқшомида ўтказилади.
Аввалроқ, “Барса” билан “Реал" Европа чемпионлар лигасидан четлатилиши мумкинлиги ҳақида хабар берилганди.
Жамшидбек Амиров
