Клопп билан музокара бошланди
“Ливерпул” немис мураббийи билан 4 йиллик шартнома имзолайди.
“Ливерпул” ва Юрген Клопп янги шартнома борасида музокараларни бошлади.
54 ёшли немис мурақббийининг амалдаги шартномаси 2024 йилнинг ёзига қадар мўлжалланган. Клуб эса бош мураббийни жамоада сақлаб қолмоқчи. “Ливерпул” Клопп билан шартномасини камида 4 йилга узайтиради.
Амалдаги келишувга кўра, Юрген йилига 10 миллион фунт маош олмоқда ва янги шартноманинг молиявий шартлари
яхшиланиши аниқ.
Клопп 2015 йилдан бери “Ливерпул”ни бошқариб келмоқда. Бу вақт ичида у клуб билан 5 та соврин, жумладан, Премьер-лига ва Чемпионлар лигасини қўлга киритди.
Аввалроқ, Юрген Клопп билан Жеймс Милнер қандай жанжаллашиб қолгани ҳақида хабар берилганди.
Жамшидбек Амиров
