“Ювентус” ва “Aтлетико” футболчиларини алмашиши мумкин

 

 

“Ювентус” ярим ҳимоячиси Уэстон Маккенни фаолиятини Испанияда давом эттириши мумкин. “Атлетико Мадрид” америкалик ярим ҳимоячининг хизматларига қизиқиш билдирмоқда. Бу ҳақда “Mundo Deportivo” нашри хабар берди.

 

Манбага кўра, “Атлетико”дан ижарага олинган Алваро Мората “Ювентус”да ўйнайдиган бўлди. “Кекса синёра” испаниялик футболчи билан доимий шартнома имзолашни истаяпти, бироқ унинг учун ижара шартномасида кўрсатилган 35 миллион еврони тўламоқчи эмас. Шу муносабат билан Турин клуби ўзининг ярим ҳимоячиси Уэстон Маккенни “Атлетико”га таклиф қилишга тайёр.

 

Қайд этилишича, “матрасчилар” бош мураббийи Диего Симеоне эса Маккенни иқтидорига қизиқмоқда ва Уэстонни ўз жамоасига қўшиб олишга қарши эмас.

 

Эслатиб ўтамиз, 23 ёшли америкалик ярим ҳимоячи Чемпионлар лигасининг 1/8 финалида “Вилярреал” билан ўйинда қўлини синдириб олганди. Футболчи бу жароҳати туфайли мавсумнинг қолган қисмини ўтказиб юборади.

 

Жорий мавсумда Маккенни барча мусобақаларда 28 та ўйин ўтказиб, 3 та гол урган. Ярим ҳимоячи Италия терма жамоасида 2020 йилдан буён ўйнаб келмоқда.

 

Аввалроқ, Дибала ва Симеоне музокара ўтказгани ҳақида хабар берилганди.

 

Жамшидбек Амиров