Рангник миллий жамоада ишлайди
У ҳозирда “Манчестер Юнайтед” бош мураббийи ҳисобланади.
Ралф Рангник бир вақтда “Манчестер Юнайтед” клуби ва Австрия миллий жамоасида фаолият олиб бориши мумкин.
“The Teleraph” нашрининг ёзишича, германиялик мутахассис Австрия миллий жамоасининг янги бош мураббийи бўлиш учун асосий номзод бўлиб турибди. У миллий жамоани бошқарган тақдирда ҳам “Манчестер Юнайтей” маслаҳатчиси лавозимида қолади.
Рангник “МЮ”да ойига 6 кунгина ўз вазифаларини бажариши керак бўлади. Унга Австрия миллий жамоаси билан ишлаш қизиқ — тез орада Евро-2024 саралаши ва Миллатлар Лигаси бошланади.
Мураббий Австриянинг кўплаб футболчилари билан яхши таниш — у аллақачон Марсел Забицер, Стефан Лайнер ва Конрад Лаймерлар билан клубларда бирга ишлаган.
Австрияда Рангник катта обрўга эга, чунки унинг қўл остида “Залсбург” миллий чемпионатда гегемонга айланди. У инглиз клуби билан келишиб олиши керак.
Эслатиб ўтамиз, Австрия плей-офф босқичида Уэлсга ютқазиб, ЖЧ-2022га чиқа олмади.
Аввалроқ, Роналду АҚШга кетиши мумкинлиги ҳақида хабар берилганди.
Жамшидбек Амиров
