Ҳоланд “Ман Сити” аъзосига айланди
"Манчестер Сити" Эрлинг Ҳоландни сотиб олганини эълон қилди.
"Манчестер Сити" ўзининг расмий сайти орқали Дортмунднинг “Боруссия” клуби ҳужумчиси Эрлинг Холанд билан шартнома имзолаганини эълон қилди.
Англия клуби Дортмунднинг “Боруссия” клубидан футболчини сотиб олиш борасида расман келишувга эришди. Норвегиялик футболчи 2022 йилнинг 1 июлида “Манчестер Сити”га ўтади ва кейинги мавсумдан бошлаб жамоада ўйнайди.
Эслатиб ўтамиз, Ҳоланд “Боруссия” билан 2020 йил бошида шартнома имзолаган эди. Унинг “Залсбург”дан трансфери немис жамоасига 20 миллион еврога тушган. “Боруссия” сафида Ҳоланд 88 ўйинда 85 та гол урди ва 23 та голли узатмани амалга оширди.
