Ҳоланднинг трансфери нега бунча арзон?

 

Эрлинг Ҳоланд келаси мавсумни “Манчестер Сити” либосида бошлайди. Бу хабар кеча расман тасдиқланди. Бироқ клуб эгалари янги юлдуз учун катта миқдордаги пулни тўламайдилар.

 

“The Atletic” хабарига кўра, Ҳоланд клубнинг энг кўп маош олувчи футболчиларидан бирига айланади. Бироқ унинг маоши Кевин де Брюйне оладиган ҳафталик 375 минг фунтдан (440 минг евро) ошмайди.

 

Худди шу “The Atletic” нашри трансфер суммасини 75 миллион евро бўлганини ёзди. Бироқ кейинроқ инсайдер Фабрицио Романо бу сумма 60 миллион еврога яқинроқ эканини айтди. Эҳтимол, фарқ биринчи манба потенциал бонусларни ҳисобга олганлиги билан боғлиқ бўлса, иккинчиси эса белгиланган тўловнинг ўзини маълум қилган. Лекин бу шунчаки тахмин.

 

Трансфермаркт маълумотларига кўра, Эрлингнинг трансфери “Сити” тарихидаги энг қиммат тўққизинчи трансфер бўлган. Клуб норвегиялик футболчига сарфлаган суммани Бенжамин Менди учун ҳам тўлаган. Менди эса ҳозир жиноий иш билан айбланиб, ҳибсга олинган.

 

Премьер-лига тарихидаги бошқа келишувлар фонида Ҳоланднинг трансфери жуда камтарона кўринади: норвегияликнинг трансфери ҳатто топ-20 таликка ҳам кира олмади.

 

Премьер-лигадаги ҳужумчилар орасида Эрлингнинг трансфери ҳам етакчилар қаторида эмас. 2015 йилда "Манчестер Юнайтед" Энтони Марциял учун худди шундай 60 миллион евро тўлаган эди.

 

Трансфер нега бунчалик арзон?

 

Аслида, “Сити” футболчи учун жуда кўп пул тўлаши керак бўлади. Лекин трансфер суммаси учун эмас. “The Atletic”нинг маълумотларига кўра, "Ман Сити" ҳужумчи учун жами 60 эмас, балки 213 миллион фунт стерлинг сарфлайди.

 

Бу катта миқдор учта қисмдан иборат. Биринчидан трансфер суммаси учун 75 миллион евро сарфланса,иккинчидан футболчининг вакиллари ва агентларига 49 миллион евро тўлайди. Бундан ташқари клуб 5 йиллик шартнома бўйича 125 миллион фунт стерлинглик маош ишлатади.