Ҳозир трансферлар ҳақида гапиришнинг вақти эмас —Анчелотти
“Реал” бош мураббийининг бор эътибори Чемпионлар лигасида.
“Реал” бош мураббийи Карло Анчелотти “Челси” ҳимоячиси Антонио Рюдигер ҳамда “ПСЖ” ҳужумчиси Килиан Мбаппенинг пойтахт клубига ўтиши мумкинлиги ҳақида гапирди.
“Чемпионлар лигаси финалидан кейин бу ҳақда гапиришга вақт топилади. Айни дамда мавсумни яхши якунлаш учун барча ишни қиляпмиз. Ҳозир "Реал Мадрид"нинг янги, таклиф қилинаётган трансферлари ҳақида гапиришнинг вақти эмас", - дея “Mundo Deportivo” нашри Анчелоттининг сўзларидан дан иқтибос келтирди.
Аввалроқ, Бензема Ла Лигада шахсий рекордини янгилагани ҳақида хабар берилганди.
