Футбол юлдузларига ўрнатилган ҳайкаллар
Улар орасида ўғирлаб кетилган ёдгорликлар ҳам бор.
Тони Кроосга ўхшайдиган Серхио Агуэронинг ҳайкали
«Манчестер Сити» нинг собиқ футболчиси Серхио Агуэрога «Этиҳад» стадиони олдига ёдгорлик ўрнатилган. Аммо усталар портрет ўхшашлигига эриша олишмаган. «Реал Мадрид» футболчиси Тони Кроос ижтимоий тармоқдаги саҳифасида ёдгорлик кўпроқ унга ўхшашлигини ҳазил қилган.
Мадейра аэропортида Криштиану Роналдунинг бюсти
Роналдунинг Мадейра аэропортидаги афсонавий бюсти нафақат интернетдаги мемга, балки оролнинг ҳақиқий диққатга сазовор жойига айланиб улгурган. 2018 йилда мем ҳайкали қайтадан таъмирланган.
Лос-Анжелесдаги Девид Бекхемнинг ҳайкали
2019 йилда Англия терма жамоасининг афсонавий футболчиси Девид Бекхемнинг Лос-Анжелесдаги Стубҳуб марказида ҳайкали ўрнатилди. Унда Девиднинг соч турмаги жуда аниқ тасвирланган, аммо ҳайкалнинг юзида камчиликлар бор. Ушбу ёдгорлик ўрнатилганда Бекхем 30 ёшда эди.
Мухлислар «эътирофи»
«Фиорентина» мухлислари ўз пулларига Габриел Батистутага ҳайкал ўрнатишган. Футболчининг бу ёдгорлиги ноён тарзда ишланган. Ишқибозлар ҳайкални узоқ вақт сақлаб қолишмади. Габриел Рим клубига ўтганидан сўнг, ёдгорлик ўғирлаб кетилган.
7 метрлик Карлос Валдерраманинг ҳайкали
Ўзининг туғилиб ўсган Санта-Марта шаҳрида Валдерраманинг 7 метрлик ёдгорлиги ўрнатилган. Бу ҳайкал орқали машҳур футболчини аниқ таниб олишингиз мумкин. У жуда маҳорат билан ишланган.
Марадонанинг бронза ҳайкали
Дунё бўйлаб Марадонага кўплаб ёдгорликлар ўрнатилган. Булардан бири 2017 йилда Ҳиндистоннинг Калкутта шаҳрида футболчининг бронза фигураси пайдо бўлди. Номутаносиб ва хунук ҳайкал дарҳол мемга айланиб улгурган.
Сан-Паулудаги Пеле бюсти
«Атлетико Ювентус» стадиони олдида Пеленинг футуристик бюсти бор. Маълумотларга кўра, афсонавий футболчи 1959 йилда айнан шу ерда ўзининг энг ёрқин ўйинларини ўтказган.
