Владимир Кличко боксга қайтмоқчи
У Жорж Форманнинг рекордини янгилаш ниятида.
Оғир вазн тоифасида собиқ жаҳон чемпиони Владимир Кличко 45 ёшида жаҳон чемпиони бўлган афсонавий собиқ чемпион, америкалик Жорж Форманнинг рекордини янгилаш учун боксга қайтмоқчи эканлигини айтди. Бу ҳақда Владимир «TalkTV» телеканалига берган интервьюсида гапирди.
«Тайсон Фюрининг, сўнгги жангдан кейин қандай қарорга келишини кутдим. Аммо мен у билан баҳс олиб бормоқчи эмасман. Чунки, энди ҳозирда режаларим бошқа», — деди Кличко.
Эслатиб ўтамиз, Владимир Кличко фаолияти давомида 69 та жанг ўтказиб, 64 та ғалаба ва 5 та мағлубият қайд этган. У WBО, IBF, IBО ва WBА чемпионлик камарларига эга чиққан. Кличко 2017 йилда британиялик боксчи Энтони Жошуага нокаут эвазига ютқазиб, фаолиятини якунлаган эди.
