Деҳқонободда кучли ёғингарчилик сабаб хонадонларни сув босдими?
Мазкур ҳолатга вилоят ФВВ расмий муносабат билдирди.
Қашқадарё вилояти Деҳқонобод туманида 19 май куни кучли ёғингарчилик сабаб сел келди .ФФВ вилоят бошқармаси хабар беришича, соат 14:30 атрофида туманнинг марказидан 45–50 километр узоқликдаги тоғли ҳудудларда қисқа муддатли ёғингарчилик кузатилган. Оқибатда ҳосил бўлган ёмғир Оқрабод МФЙ Наймансой қишлоғи адирликлардаги қатор хонадонларнинг томорқалари ва ховлиларидан оқиб ўтган. Шунингдек, ёмғир «Катта пай» ўрмон хўжалиги далаларига бориб қуйилган.
Ҳозирда ҳолат бўйича туман ФВБ ва маҳалла фаоллари биргаликда аҳоли яшаш хонадонларига бориб кўрган. Ёмғир хоналарига тошиши кузатилмаган ҳамда ҳеч кимга зиён етмаган.
