Мората фаолиятини “Ювентус”да якунламоқчи
У жамоа бош мураббийининг режаларига киритилган.
Испаниялик ҳужумчи Алваро Мората фаолиятини “Ювентус”да якунламоқчи. Бу ҳақда “La Gazetta dello Sport” нашри хабар берди.
Манбага кўра, испаниялик футболчини жамоада олиб қолишини бош мураббий Массимилиано Аллегри хоҳламоқда.
Аввалроқ Турин клуби 29 ёшли ҳужумчини “Атлетико Мадрид”дан сотиб олмасликлари ҳақида хабар берилганди.
“Ювентус” икки йил аввал Моратани ижарага олганди. Келишув 35 миллион еврога сотиб олиш шартини ўз ичига олган.
Испаниялик футболчи “Атлетико”га қайтиши керак, бироқ у жамоа бош мураббийи Диего Симеоненинг режаларига киритилмаган. Мадридликлар билан шартнома 2023 йилнинг ёзига қадар амал қилади.
Мората жорий мавсумда “Ювентус” сафида барча турнирлар доирасида 48 та ўйинда майдонга тушиб, 12 та гол урди ва 7 та голли узатмани амалга оширди.
