Номаълум шахс “Мона Лиза” суратига “ҳужум қилди”
У музей ичига ногиронлар аравачасида, ясама соч тақиб олган ҳолатда кириб келган.
Парижнинг Лувр музейида сақланувчи Мона Лиза суратига номаълум шахс томонидан торт билан “ҳужум уюштирилди”.
Йигит аввалига сурат устига қопланган шишани синдирмоқчи бўлган, бунинг уддасидан чиқа олмагач, суратга торт бўлагини суртиб ташлаган ва залга атиргул япроқларини сочиб чиққан. Ўқ ўтмайдиган шиша билан қопланган асарга ҳеч қандай зарар етмаган, безори эса полиция томонидан қўлга олинган.
Бу Леонардо да Винчи томонидан чизилган афсонавий суратга уюштирилган биринчи ҳужум эмас. 2009 йилда россиялик аёл “Мона Лиза” суратига бир финжон чоп сепиб юборган эди. Кейинроқ эса ушбу қилмишига Франсия фуқаролигини ололмагани сабаб бўлганини айтган.
