23 мингдан ортиқ украиналикларга АҚШга киришга рухсат берилди
Улардан 6 мингтаси аллақачон Қўшма Штатларга етиб борган.
23 мингдан ортиқ украиналик президент Жозеф Байден маъмуриятининг Украинадан келган қочқинлар тўғрисидаги дастурига мувофиқ АҚШга киришга рухсат олди. Бу ҳақда CNN хабар берди.
“АҚШ ички хавфсизлик департаменти маълумотларига кўра, 23 мингдан ортиқ украиналик янги дастур бўйича АҚШга киришга рухсат олган”, — дейилади хабарда.
Маълум қилинишича, дастур доирасида АҚШга аллақачон 6 минг киши етиб борган.
Апрель ойида президент Жозеф Байден Украинадан қочқинларни қабул қилиш дастурини эълон қилган эди, бу уларнинг Америка ҳудудига кўчиб ўтишини тезлаштиради.
