Хуан Мата "Манчестер Юнайтед"ни тарк этади
У Европанинг бошқа топ клубларидан бирига ўтмоқчи.
"Манчестер Юнайтед" ярим ҳимоячиси Хуан Мата ёзда жамоани тарк этади. Бу ҳақда "қизил иблислар" матбуот хизмати хабар берди. Томонлар шартномани узайтирмасликка қарор қилган.
Олдинроқ Мата футболчилик фаолиятини якунлаш ҳақида ўйламаётгани ҳақида хабар берилганди. Шунингдек, футболчи Манчестер мураббийлар штабига кирмоқчи эмас. Бу унинг режаларига кирмайди. Жорий мавсумда ярим ҳимоячи барча мусобақаларда бешта учрашувда майдонга тушиб атиги 177 дақиқа ўйнади. Матанинг нархи 3 миллион еврога баҳоланмоқда. У Европанинг бошқа топ-5 лигаси клубларидан бирида фаолият олиб бормоқчи.
Эслатиб ўтамиз, Мата Испанияда «Валенция» сафида тўп сурган ва 2011 йилда у 26,7 миллион эвро эвазига Лондоннинг «Челси»сига ўтган эди. 2014 йилда «Манчестер Юнайтед» футболчини 44,7 миллион еврога сотиб олганди.
