Жаҳон чемпионати олдидан Қатарда Зиданнинг ҳайкали ўрнатилади
У ЖЧ-2006 финалига бағишланади.
ЖЧ-2022 бошланишидан олдин Қатарда «Реал»нинг собиқ бош мураббийи Зинедин Зиданнинг ЖЧ- 2006 финалида Марко Матератстига бош билан зарба берган ҳолатига бағишлаб махсус ёдгорлик ўрнатилади. Бу ҳақда «Goal» нашри хабар берди.
Бундай ҳайкал аввал Қатарда мавжуд бўлган, бироқ 2013 йилда маҳаллий аҳолининг норозилиги сабаб, ёдгорлик олиб ташланган. Бироқ ҳозир мамлакат расмийлари ҳайкал ўрнини ўзгартиришни режалаштирган.
Қатар музейлари раиси Ал Маясса Ал Тани қарорни изоҳлар экан, «Жамиятда эволюция бор. Бу вақт талаб этади ва одамлар аввал бирор нарсани танқид қилади, кейин эса тушунади ва кўникади. Зиданни Қатарда барча ҳурмат қилади», — дея нашр унинг сўзларидан иқтибос келтирди.
