“Тоттенҳем” Бейлни сотиб олмайди
Гарет “Кардифф” ёки МЛСга ўтиши мумкин.
Лондоннинг «Тоттенҳем» клуби аввал жамоада ўйнаган уэлслик ҳужумчи Гарет Бейлни сотиб олмоқчи эмас. Бу ҳақда «The Telegraph» нашри хабар бермоқда.
Манбага кўра, «Кардифф» 32 ёшли футболчи учун асосий давогар бўлиб, уэлслик футболчи фаолиятини МЛСда ҳам давом эттириши мумкин. Бейл 2007 йилдан 2013 йилга қадар ҳамда 2020- 2021 йиллар давомида «Тоттенҳем» шарафини ҳимоя қилган. Бу вақт ичида Гарет 237 учрашувда 72 та гол урди ва 60 та голли узатмани амалга оширди.
Бейл айни дамда «Реал»да ўйнамоқда. Унинг шартномаси 2022 йилнинг 30 июнида тугайди ва у узайтирилмайди.
