Жаҳон футбол юлдузларининг ўғиллари

 

 

Ҳозирда жаҳон футболида ўзига хос тарих яратган футболчиларнинг фарзандлари ҳам турли хил топ клубларнинг академияларида ўқиб, катта футболга кириб келмоқда.

 

Уларга мисол қилиб, Зинедин Зидан, Роналдиньо va Давид Бекхем каби собиқ футболчиларнинг фарзандларини келтиришимиз мумкин. Уларнинг ўғиллари ҳозирда ўз ёшига нисбатан жуда яхши ўйин намойиш этиб келишмоқда.

 

Жоау Мендес бразилиялик футбол «сеҳргари» Роналдиньонинг ўғли бўлиб, у айни пайтда Бразилиянинг маҳаллий клубларидан бирида тўп тепмоқда. У Франциянинг «ПСЖ» клуби академиясига қабул қилиниб, шу ернинг ўзида ривожланиши мумкин эди. Бироқ, онасининг қарори билан Париж жамоасига кўчиб ўтмаган.

 

Яқинда «Реал Мадрид» клубидаги фаолиятига якун ясаган Марселонинг ўғли Энсо Алвес ҳозирда 12 ёшда. У бугунги кунда «Реал»нинг болалар жамоасида ўйнаб келмоқда. Алвес ўзининг ажойиб ўйинлари билан кўплаб футбол мутахасисларининг эътиборига тушган. Энсо отасидан фарқли ўлароқ, ҳимояда эмас, балки ҳужум марказида ўйнашни афзал кўради.

 

«Манчестер Юнайтед» нинг собиқ футболчиси Уэйн Рунининг фарзанди Кай Руни ҳам ҳозирги вақтда Манчестер жамоасининг aкадемиясида тўп сурмоқда. Унинг тўпурарлик қобиляти аллақачон юзага чиққан. Дастлабки, голини 12 ёшида урган Кай ҳозир ҳам тўхтаб қолгани йўқ.

 

Элиас Зидан Зинедин Зиданнинг ўғли. «Реал Мадрид»ни уч бор Европа чемпиони қилган Зиданнинг учта ўғли футболда унчалик муваффақият қозона олишмади, бироқ тўртинчиси - Элиас учун ҳали имконият бор. У ҳозирда 16 ёшда бўлиб, «Реал» академияси тарбияланувчиси ҳисобланади. Элиас ҳозирда Франция U-17 терма жамоасига чақирув олган.

 

Ромеро Бекхем Англиянинг афсонавий футболчиси Девид Бекхемнинг фарзанди.  У айни пайтда «Интер Маями» клубининг иккинчи жамоасида ўйнамоқда. Ромеро Девид Бекхемнинг ёлғиз ўғлидир. «Интер Маями» клуби ҳам англиялик собиқ футболчига тегишли ҳисобланади.

 

Португалиялик футбол юлдузи Криштиану Роналдунинг ўғли кичик Роналду (Жуниор) биринчи «Посуэло» клуби академиясида футбол ҳақида дастлабки тушунчаларга эга бўлди. Кейинчалик, «Ювентус» академиясига ўтиб, у ерда бир қадар ўзининг қобилятини намойиш этди. У айни пайтда “Манчестер Юнайтед” клубининг академияси жамоасида тўп суриб келмоқда ҳамда ажойиб ўйинлари билан кўпчиликнинг эътирофига сазовор бўлмоқда.