Бозор ҳам, мозор ҳам ёнди...
Самарқандда ҳафта давомида кетма-кет 6 маротаба ёнғин бўлди.
Бугун, 11 июнь куни соат 10:20 да Самарқанд вилояти Самарқанд туманидаги савдо шохобчасида ёнғин чиқди.
Маълумотларга кўра, дўкон“Янги ариқ” МФЙда жойлашган 1993 йилда тўғилган фуқаро Р. Ш. га тегишли бўлган.
Ҳодиса тўғрисида туман ФВ бўлимига хабар келиб тушган.
Ёнғин жойига ЁҚЭлари соат 10:38 да етиб бориб, олов соат 10:50 да қуршаб олинган ва 11:01 да бартараф этилган. Унга 7 та ёнғин-қутқарув экипажи ҳамда ёрдамчи (камаз) жалб этилган.
Дастлабки маълумотларга кўра, ёнғин натижасида савдо шохобчасининг тахминан 170 кв.м майдонда шифт, том ва жиҳозлар ёниб зарарланган.
Ҳодиса оқибатида тан жароҳати олган ва ҳалок бўлганлар йўқ.
Ҳозирда ёнғинни келиб чиқиш сабаби ва моддий зарар миқдори аниқланмоқда.
