Марсело фаолиятини Туркия чемпионатида давом эттирмоқчи
Футболчига Хитой ҳамда Бирлашган Араб Амирликларидан таклифлар бўлмоқда.
«Реал Мадрид»нинг бразилиялик ҳимоячиси Марсело фаолиятини Туркияда давом эттирмоқчи. Бу ҳақда деб «Маrcа» нашри хабар берди.
Манбага кўра, бразилиялик ҳимоячига Хитой, Бирлашган Араб Амирликлари ва Туркиядан таклифлар бор. Футболчи эса фаолиятини Туркияда давом эттиришга аҳд қилган.
Марселонинг клуб билан шартномаси шу ёзда якунига етади. Марсело «Реал»да 2007 йилдан буён тўп суради. Бу вақт ичида у барча мусобақаларда 545 та ўйин ўтказиб, 38 та гол урган ва 103 та голли узатмани амалга оширган. Клуб билан олти марта Испания чемпионати, беш марта Испания Суперкубоги ва беш марта Чемпионлар лигасида ғолиб чиққан.
Эслатиб ўтамиз, 2021/2022 йилги мавсум Чемпионлар лигаси финалида «Реал Мадрид» «Ливерпул»ни 1:0 ҳисобида мағлуб этганди. Бу «Реал Мадрид»нинг Чемпионлар лигасидаги 14-ғалабаси бўлди.
