Диёр Имомхўжаев: "Ўша куни майдондан четлатилган дарвозабонни фақат қоралаш тўғри эмас"
Ўзбекистон ПФЛ бош директори Диёр Имомхўжаев Ўзбекистон-Ироқ учрашуви ҳақида ўз фикрларини билдирди.
Футболда ҳар ўйиннинг ўз тарихи бор. Бироқ ҳамма ўйин ҳам тарихийга айланавермайди. Йиллар ўтса ҳам мухлислар ёдидан чиқмайдиган футбол учрашувлари саноқли. Кападзе жамоаси Ироқни шунчаки таслим этиб ярим финалга йўл олганида, бу учрашувни яна 1 йилдан кейин ҳеч ким эсламасди ҳам. Бироқ бу ўйин ҳеч кимнинг ёдидан чиқмаслиги учун қатор сабаблар топилди: эрта қизил, стадионнинг жунбушга келишию отилган тошлар, йигитларнинг қаҳрамонлиги, мухлисларнинг 120 дақиқа фантастик қўллаши, пенальтилар церийаси ва ҳоказо. Биз жуда истаб ҳам бундай ўйинларни сотиб ололмасдик. Йигитларда кучли ҳарактер шаклланиб бориши учун ҳам етарлича гўёки имконият берилаётгандек. Шу тарафдан қараганда ўша куни майдондан четлатилган дарвозабонни фақат қоралаш тўғри эмас. Ҳа, у хато қилди ва умуман ким хатолардан ихоталанган? Шунчаки посбон ўйинга жангга киргандек кирди ва эҳтиёткорликни бироз йўқотди. У ғалабадан бошқасини ўйламаётганди, шунинг учун ҳам ВАР ёки қандайдир такрорий лавҳалар хаёлида эмасди, у рақибни ҳар қанақасига янчиб ташлашга тайёр эди. Ахир ўзимиз истамаганмидик мана шундай даҳшатли футболчиларимиз бўлишини. Ҳар қандай воқеа ҳаммамизга сабоқ, ишонамизки, ҳаммамиз тўғри хулоса чиқарамиз - дейди собиқ журналист ўзининг телеграм каналида.
