ОТМларга қабул квоталари тасдиқланди
Эндиликда абитуриентлар турли таълим шаклини танлаши мумкин бўлади.
Президент қарорига кўра, 2022/2023 ўқув йили учун давлат буюртмаси параметрлари бакалаврлар тайёрлаш бўйича қуйидагича этиб тасдиқланди:
· кундузги таълим шаклига — 77 477 нафар;
· сиртқи таълим шаклига — 26 095 нафар;
· кечки таълим шаклига — 3 725 нафар;
· масофавий таълим шаклига — 3 410 нафар;
· магистрлар тайёрлаш бўйича — 10 688 нафар.
Хабар берилишича, молиявий мустақиллик берилган давлат ОТМларининг кузатув кенгашларига ҳамда қабул параметрларини Васийлик кенгаши қарори билан тасдиқлаш ваколати берилган олий таълим ташкилотларига тегишли қабул параметрларини 2022 йил 20 июнга қадар тасдиқлаш тавсия этилган.
Яна бир муҳим янгиликлардан бири, жорий йил ҳам абитуриентлар 5 тагача йўналиш танлаш мумкин, фақат эндиликда турли таълим шаклини (кундузги, сиртқи, кечки, масофавий) танлашига ҳам рухсат берилади
Шунингдек, ОТМларига қабул жараёнида абитуриентларни онлайн рўйхатдан ўтказиш Ягона портал ва ДТМнинг расмий веб-сайти орқали ҳар йили 20 июндан 20 июлга қадар (20 июль куни ҳам), чет тили фанидан касбий (ижодий) имтиҳон ўтказиладиган бакалавриат таълим йўналишлари бўйича эса 10 июлга қадар (10 июль куни ҳам) амалга оширилади.
