Болалигида қўшиқ куйлаган Ҳоланд нега “Сити”ни танлади?

 

 

Жаҳон футболида ушбу ёзнинг энг йирик трансфери Эрлинг Ҳоланднинг “Манчестер Сити”га ўтиши бўлди. Еропанинг бир қатор нашрларида ҳужумчининг биринчи интервьюси пайдо бўлди.

 

“Шаҳарликлар” матбуот хизмати Ҳоланд билан 25 май куни тиббий кўрикдан ўтаётган пайтда гаплашган. Бу интервью ҳозирча — Норвегия терма жамоасининг Миллатлар лигасидаги ўйинлари якунланганидан сўнг чоп этилди. Унда футболчи авал қўшиқчи бўлгани ҳақида маълумот бор:

 

“Бизнинг гуруҳимиз уч кишидан иборат эдик. Ёшлигимизда бироз зерикишдан ёки қизиқиш туфайли бир қанча қўшиқлар чиқарганмиз. Мен “Сити”ни қайсидир даражада отам туфайли танлаганман. Чунки, мен Англияда туғилганман ва бутун умрим давомида “Сити”га мухлислик қилганман. Мен клуб ҳақида кўп нарсани биламан. Бу ерда ўзимни уйдагидек ҳис қиламан ва ўзимни ривожлана оламан деб ўйлайман. “Шаҳарликлар” услуби ёқади. Акс ҳолда бу ерга келмасдим. Менга ҳужумкор футбол ва “Сити”нинг ижобий характери ёқади".

 

Ҳоланд ҳозирча барча сурат ва видеоларда рақамсиз “Сити” либосида суратга тушди. “The Athletic” хабарига кўра, ҳужумчи ўз формасида тўққизинчи рақамга эга бўлишни хоҳлайди. У ҳозирда Норвегия терма жамоасида ва аввал “Боруссия”да ҳам шу рақамда ўйнаган. Габриел Жезус айни дамда шу рақамда тўп суряпти. У ёзда Манчестерни тарк этиши мумкин. 

 

Бразилиялик футболчига асосий даъвогарлардан бири “Арсенал” бўлиб, унга шахсан Микел Артета қизиқиш билдирмоқда. Габриелнинг шартномаси тугашига бир йил қолди. Агар у клубда қолса, Ҳоланд 15-рақамни эгаллаши мумкин.