“Реал” президентидан кутилмаган қарор
У Ҳоланд ва Мбаппе трансферига ҳали ҳам ишонмоқда.
Шу кунларда Мадриднинг “Реал” клуби президенти Флорентино Перес жамоага янги суперюлдуз кераклиги ҳақида маълум қилди. Сўнгги маълумотларга кўра, клуб яқинда “Манчестер Сити” сафига қўшилган Эрлинг Ҳоландни сотиб олиш вариантини кўриб чиқмоқда.
“Шаҳарликлар” бир ой олдин норвегиялик футболчи билан шартнома имзолаганини эълон қилди. “Реал Мадрид” узоқ вақтдан бери Ҳоландга қизиқиш билдириб келмоқда.
Бир неча йил олдин испан ОАВлари Эрлинг ва Килиан Мбаппенинг Мадрид клубининг ҳужумида ўйнаши ҳақида ёзган эди.
Норвегиялик футболчи дастлаб “Ред Булл Салзбург” клубида барчани ҳайратда қолдирди. Ҳамда шу тариқа Дортмунд жамоасига кўчиб ўтди. Шу тариқа у ерда кўплаб голларга муаллифик қилди. Баъзи пайтларда ҳатто Ҳоланднинг келажакда “Реал Мадрид”га ўтиши масаласи ҳал қилинди. Мадридга бир-икки йил кутиш ва футболчи учун 75 миллион евро тўлашини айтди.
Яқинда Испаниянинг йирик нашри “АS” хабарига кўра, Ҳоланднинг “Сити”га ўтиши “Реал”ни умуман бу мақсадидан қайтармаган. Мадриднинг режалари ўзгармади. Клуб Эрлингни 2024 йилда сотиб олмоқчи. “Реал Мадрид” раҳбарларининг фикрига кўра, Ҳоланд Карим Бенземанинг ўрнини эгаллайди. Ҳозирда француз футболчиси “Олтин тўп” учун курашмоқда. У икки йилдан кейин 36 ёшга тўлади. Бу дегани ҳужумчининг ўйинида пасайиш кузатилиши турган гап.
Айтганча, Флорентино Перес аллақачон Ҳоланднинг “Сити”га ўтиши ҳақида фикр билдирган:
“Айни дамда жамоамизда дунёнинг энг яхши ҳужумчиси бор. Бироқ биз бир неча йилда Ҳоланд трансфери борасида ишлаб олиб бориб, футболчини жамоага қўшиб олишни мақсад қилганмиз”, — деди Перес.
“Сити” дунёнинг энг бой клубларидан бири ҳисобланади. Агар Ҳоланд Манчестерда қоладиган бўлса, ҳеч қандай катта пул эвазига у қўйиб юборилмаслиги мумкин.
“Реал Мадрид” президенти галактико услубидаги таркибни йиғиш иштиёқи борлигини ҳам маълум қилган. Бироқ президентнинг бу қарори ҳозирча амалга ошиши сўроқ остида бўлиб қолмоқда. Сабаби Мбаппе “ПСЖ” билан шартномасини узайтирган бўлса, Ҳоланд инглизлар таркибига бориб қўшилди. Унинг ҳам жамоани тарк этиши бўйича ҳеч қандай маълумотлар йўқ.
