“Челси” ҳимоя чизиғини кучайтирмоқчи
Клуб учун битта вариант бор.
Лондонликлар Туриннинг “Ювентус” клуби марказий ҳимоячиси Маттейс де Лигтни сотиб олмоқчи.
Хабарга кўра, инглиз клуби ҳужумчи Тимо Вернер ва Де Лигтнинг трансфери доирасида 45 миллион евро таклиф қилишга тайёр. Манбанинг таъкидлашича, “Челси” Антонио Рюдигер ва Андреас Кристенсеннинг жамоани тарк этиши муносабати билан марказий ҳимоя зонасини кучайтирмоқчи.
Эслатиб ўтамиз, Де Лигт “Ювентус”га 2019 йилда Амстердамнинг “Аякс” клубидан келиб қўшилган эди. У Турин жамоаси сафида 87 та ўйин ўтказган ва бир марта Италия чемпиони бўлган. Трансфермаркт маълумотларига кўра, унинг ҳозирги нархи 70 млн евро.
