"Камп Ноу"да реконструкция ишлари бошланади
“Барса” кейинги мавсумдан уй учрашувларини қаерда ўтказиши маълум бўлди.
Каталония клубининг уй стадиони 1957 йилда қуриб фойдаланишга топширилган. Ўшандан бери стадион бир неча марта қайта қурилди. Биринчиси 1981 йилда бўлган. Кейинги таъмирлаш Испанияда бўлиб ўтган 1982 йилги жаҳон чемпионати олдидан сиғим 120 минг томошабинга етказилган. Навбатдаги реконструкция 1998 йилда бўлиб ўтди. Шундан сўнг UEFАнинг янги қоидаларига кўра, стадионлардаги барча ўриндиқлар сони камайтирилиши талаб этилди. Шу тариқа мухлислар сиғими 98 934 ўринга қисқартирилди.
2021 йилги мавсум якунланганидан кейин клуб яна таъмирлаш ишларини эълон қилди. Бироқ бу маблағ томондан етишмовчилик сабаб, амалга ошмади. “Барса” “Spotify” билан янги ҳамкорликни эълон қилгач, бу ғоя қайта тикланди. Шунингдек, стадион номи “Spotify Camp Nou” номига ўзгариши маълум бўлди. Мазкур келишув клубга 280 миллион еврога яқин даромад келтиради.
Янгиланган “Камп Ноу” стадионининг дизайни Япониянинг “Nikken Sekkei” компанияси томонидан ишлаб чиқилган. Компания 420 миллион евролик тендерда ғолиб чиқди. Шунингдек стадионда ўриндиқлар сони 105 мингтага етказилиши маълум қилинди.
Майдонда яқин ойлар ичида умумий реставрация ва конструктив пардозлаш ишлари олиб борилади ва янги телекоммуникация тизими йўлга қўйилади. Стадионнинг учинчи қаватини бузиш 2023 йилнинг ёзида бошланади. “Барса” 2023/2024 йилги мавсумда “Олимпиaда” майдонига йўл олади. Ушбу майдон Монтжуик шаҳрида жойлашган бўлиб, 55 926 томошабинга мўлжалланган. Бу ерда 1992 йилги Олимпия ўйинларининг асосий беллашувлари бўлиб ўтган. “Камп Ноу”даги қурилиш ишлари 2025/2026 йилги мавсумгача олиб борилиши айтиб ўтилган. “Барса” шунга қадар уй учрашувларини “Олимпиaда” майдонида ўтказади.
