Ўзбекистон газ экспортини тўхтатиши мумкин
Айни пайтда Ўзбекистонда қазиб олинаётган газнинг қарийб 10 фоизи Хитойга экспорт қилинмоқда.
Ўзбекистон газ экспортидан бутунлай воз кечиши мумкин. Бу ҳақда «Ўзтрансгаз» компанияси бошқаруви раиси Беҳзод Норматов журналистларга маълум қилди, деб ёзмоқда «Интерфакс».
Норматовнинг яқин келажакда Ўзбекистонда ишлаб чиқарилган барча газ Ўзбекистонда қолиши мумкинлигини айтди, кимё корхоналари кенгаяётгани, ички иқтисодиётни қўллаб-қувватлаш кераклигини таъкидлади.
«Ҳа, экспорт бор эди, лекин бизда ҳамон иқтисодий динамика йўқ. Иш ўринлари яратишимиз керак, лекин экспортни соф кўринишида олиб бориш — бу иқтисодиёт учун қанчалик фойдали, уни қачон қайта ишлаш ва қўшимча қиймат занжирларини яратиш мумкин?», — деди «Ўзтрансгаз» бошқаруви раиси ва 2025-2026 йилларда газ экспорти тўхташи мумкинлигини билдирди.
Айни пайтда Ўзбекистонда қазиб олинаётган газнинг қарийб 10 фоизи Хитойга экспорт қилинмоқда.
