Видал Аргентина клубига ўтиши мумкин
"Бока Хуниорс" футболчига шартнома таклиф қилди.
“Интер” клуби ва Чили терма жамоаси футболчиси Артуро Видал “Бока Хуниорс”га ўтиши мумкин. Италиялик журналист Николо Ширанинг хабар беришича, Буэнос-Айрес клуби ярим ҳимоячига бир йиллик шартнома таклиф қилмоқда.
Видалнинг “Интер” билан шартномаси кейинги мавсум охирида якунига етади. Қайд этилишича, футболчи шу ёзда Милан клубини тарк этади.
Аввалроқ, Видалга Бразилиянинг “Фламенго” ва Қатарнинг “Ар-Райян” клубларидан ҳам қизиқиш борлиги ҳақида хабар берилганди.
Эсллатиб ўтамиз, 2021/2022 йилги мавсумда ярим ҳимоячи “Интер” сафида 40 та ўйин ўтказиб, 2 та гол урди, шунингдек, “нерадзурри” билан бирга Италия Кубогида ғолиб бўлди.
