Муҳаммад Салоҳ Премьер-лигада энг кўп маош олувчи футболчига айланди
Бу борада у Роналдуни ҳам ортда қолдирди.
“Ливерпул” ҳужумчиси Муҳаммад Салоҳ Англия премьер-лигасида энг кўп маош олувчи футболчига айланди. Бу ҳақда “Daily Mail” нашри хабар берди.
1 июль куни “Ливерпул” мисрлик футболчи билан янги шартнома имзолаганини эълон қилди. Шартнома бўйича унинг маоши ҳафтасига 400 минг фунтни ташкил қилади.
Бу маош Премьер-лигадаги юлдуз футболчилар, жумладан, “Манчестер Юнайтед” ҳужумчиси Криштиану Роналду ва “Манчестер Сити” ярим ҳимоячиси Кевин Де Брюйненинг маошидан ҳам кўп.
Салоҳ дунёдаги энг кўп маош олувчи футболчилардан бири. Маош бўйича у “ПСЖ” юлдузларидан кейинги ўринда туради: Лионел Месси, Килиан Мбаппе ва Неймар.
Эслатиб ўтамиз, мисрлик футболчи 2017 йилдан буён “Ливерпул”да ўйнаб келмоқда. Трансфермаркт портали футболчининг нархини 90 миллион еврога баҳоламоқда.
