Энг кўп маош олувчи футболчилар рейтинги эълон қилинди

 

 

1 июль куни “Ливерпул” Муҳаммад Салоҳ билан 3 йиллик шартнома имзолаганини эълон қилди. Ҳужумчи энди ҳафтасига рекорд даражадаги 400 минг фунт стерлинг маош олади. Бу эса уни Премьер-лигадаги энг кўп маош олувчи футболчига айлантирди. Мисрлик футболчининг маоши лиганинг юлдуз футболчилари, жумладан, “Манчестер Юнайтед” ҳужумчиси Криштиану Роналду ва “Манчестер Сити” ярим ҳимоячиси Кевин Де Брюйненинг ойлигидан ҳам кўп. Шу тариқа, Салоҳ дунёнинг энг кўп маош олувчи футболчиси рўйхатида тўртинчи ўринга кўтарилиб олди. Қуйида дунёда энг кўп маош олувчи футболчилар ҳақидаги маълумотларни олишингиз мумкин.

 

10. Роберт Левандовски, “Бавария” ҳафтасига 406 000 евро

 

Испан нашрларининг ёзишича, агар Левандовски “Барселона” билан шартнома имзоласа, унинг маоши ҳафтасига 176 минг еврога тушади. Клублар ўртасидаги музокаралар қандай якунланиши аниқ эмас, аммо ҳозир вазият қуйидагича: ҳужумчи “Барселона”га ўтмоқчи, каталонияликлар уни сотиб олишга тайёр. Бироқ “Бавария” поляк билан хайрлашмоқчи эмас. Левандовски 2021/2022 йилги мавсумда  ажойиб статистика қайд этди. У йил давомида 46 ўйин ўтказиб, 55 гол урди ва 7 та голли узатмани амалга оширди.

 

9. Антуан Гризманн, “Атлетико” ҳафтасига 413 000 евро

 

Гризманн Левандовскига ўхшаб статистика борасида мақтана олмайди. У ўтган мавсумда “Атлетико”нинг тўртинчи тўпурарига айланди. Футболчи 35 ўйинда 8 та гол урган. “Атлетико”нинг тўпурарлари Луис Суарес ва Анхел Корреа 13 тадан гол уришди. “Барселона”нинг собиқ ҳужумчиси янги мавсумда ушбу статистикасини яхшилаши мумкин. У Мадридда яна бир йил ижара асосида ўйнайди.

 

8. Давид де Хеа, “Манчестер Юнайтед” ҳафтасига 435 000 евро

 

57 та гол ўтказиб юборганига қарамай, де Хеа учун ўтган мавсум яхши даражада ўтди, дейиш мумкин. Премьер-лиганинг ортда қолган мавсумида жамоанинг асосий голлари ҳимоя чизиғидаги камчиликлар сабаб ўтказиб юборилди. Агар 31 ёшли дарвозабон ва 37 ёшли Роналду бўлмаганида, “Манчестер Юнайтед” турнир жадвалида охирги ўринларда якунлаган бўлар эди. Де Хеанинг жамоа билан шартномаси бир йилдан кейин тугайди. Катта эҳтимол билан у Чемпионлар лигаси ғолиблиги учун курашади.

 

7. Эрлинг Ҳоланд, “Манчестер Сити” ҳафтасига 435 000 евро

 

Ҳоланд “Сити” сафида ҳали ўзини кўрсатгани йўқ. Англияда норвегиялик футболчи бир мавсумда 20 тадан кўп гол уриши кутилмоқда. Германияда икки йил давомида у бу кўрсаткичга эришди. Эрлинг “Манчестер Сити” билан 5 йиллик шартнома имзолаган. У “шаҳарликлар” сафида ҳужумнинг асосий ҳаракат қилувчи кучига айланиши кутилмоқда. Унга Де Брюйне, Бернарду Силва, Раҳим Стерлинг, Жек Греалиш ва Риёд Маҳрез каби футболчилар ёрдам бериши кутилмоқда. Бундан ташқари, Ҳоландда ҳужум чизиғида деярли рақобат бўлмайди. 

 

6. Кевин Де Брюйне, “Манчестер Сити” ҳафтасига 446 000 евро

 

Де Брюйне 2012/2013 йилги мавсумдан бери энг кўп гол уришга эришди.  Шу тариқа у Хосеп Гвардиоланинг энг ишончли футболчисига айланди. Бельгиялик футболчи ва Ҳоланд ўртасидаги ўзаро муносабатлар қандай бўлиши ҳозирча номаълум. Буни биз август ойида билиб оламиз. Айни пайтда, Кевин “Манчестер Сити” тўпурарлари тарихида 10-ўриндан тўртинчи ўринга кўтарилди ва клуб сафида 300 дан ортиқ ўйин ўтказди.

 

5. Криштиану Роналду, “Манчестер Юнайтед” ҳафтасига 446 000 евро

 

“Манчестер Юнайтед” ҳужумчиси 2021/2022 йилги мавсумда Англия чемпионатининг учинчи тўпурарига айланди. Қолаверса, Роналду якка ўзи “қизил иблислар”ни Чемпионлар лигасида муваффақиятли иштирок этишга чорлади. Португалиялик футболчининг 37 ёшида қилган меҳнати ҳисобга олинадиган бўлса, бу ҳужумчи учун катта натижа. Роналдунинг “Манчестер Юнайтед” билан шартномаси тугашига бир йил қолди. Уни яна бир йилга узайтириш мумкин.

 

4. Муҳаммад Салоҳ, “Ливерпул” ҳафтасига 464 000 евро

 

Садио Маненинг кетиши туфайли “Ливерпул” мисрлик футболчининг маошида ўзгариш бўлди. Салоҳ ўтган мавсум барча мусобақаларда 51 ўйинда иштирок этиб,  31 та гол урди ва 16 голли узатмани амалга оширди. Кейинги мавсумдан “Бенфика” футболчиси Давид Нунес ҳужумда Мане ўрнига Муҳаммад Салоҳ билан бирга ўйнайди. Салоҳга энди Премьер-лигадаги энг кўп маош олувчи футболчи сифатида “Ливерпул” билан иккинчи чемпионликни қўлга киритиши керак. Агар шундай бўладиган бўлса, Юрген Клопп жамоаси АПЛдаги ғалабалар бўйича “Манчестер Юнайтед” билан тенглашади.

 

3. Неймар, “ПСЖ” ҳафтасига 703 000 евро

 

Бразилиялик футболчи ҳар мавсумда кўплаб учрашувларни ўтказиб юборади. Бундай маошга эга футболчи учун бу номақбул, клуб бошлиқлари эса аллақачон ундан қутулмоқчи. У ўтган мавсумда “ПСЖ”нинг 22 та ўйинини ўтказиб юборди ва барча турнирларда 28 та ўйинда 13 та гол урди. Агар асосий юлдузлар мавсумда 50 га яқин ўйин ўтказса, Неймар зўрға 30 ўйин ўтказади.

 

2. Лионел Месси, ҳафтасига “ПСЖ” 1 миллион 114 минг евро

 

Месси “Барселона”дан “ПСЖ”га ўтганидан кейин маоши камайтирилди. Лига-1 даги 15 та голли узатмани амалга оширди. Париждаги биринчи мавсум аргентиналик учун омадсиз кечди. Месси 2007/2008 йилги мавсумдан бери биринчи марта ўртача ҳар бир ўйинда камроқ очко тўплади. Бундан ташқари, у Франция чемпионатининг 26 ўйинида атиги олтита гол урди.

 

1.  Килиан Мбаппе, “ПСЖ” 1 миллион евро, ҳафтасига 160 минг

 

Мбаппе янги 3 йиллик шартнома эвазига ушбу рейтингда пешқадамликни қўлга киритди. 23 ёшли ҳужумчи “Реал”га ўтиш ўрнига улкан маошни танлади. Албатта, француз ички мусобақаларда ҳам, Чемпионлар лигасида ҳам ажойиб статистика кўрсатди. Аммо “ПСЖ” хўжайинлари Мбаппе клубга асосий орзуларга эришишда ёрдам беришини хоҳлашди. Улар уни сайёрадаги энг кўп маош олувчи футболчига айлантирганлари ажабланарли эмас. Умуман олганда, “ПСЖ” Месси, Мбаппе ва Неймарнинг маоши учун йилига 152 миллион евро сарфлайди.

 

 

Жамшидбек Амиров