Почеттинонинг ўрнини Галтье эгаллади
Кристоф Галтье “ПСЖ”нинг янги бош мураббийи этиб тайинланди.
55 ёшли француз аввалроқ “Нитца” клубини тарк этган эди. Парижда эса у Маурисио Почеттино ўрнини эгаллади.
Олдинроқ Галтье парижликлар билан 2+1 схемаси бўйича шартнома имзолагани ҳақида хабар берилганди. Ҳозирда мураббий Парижда матбуот анжумани ўтказмоқда, клуб ҳали келишув тафсилотларини эълон қилмаган.
Парижликлар мураббий учун “Нитца”га 10 миллион евродан кам тўлаши айтилган.
Эслатиб ўтамиз, Галтье аввалроқ “Лилл” (2020/21 Франция чемпионати ғолиби) ва “Сент-Этен” (2012/13 йилги Франция лига кубогида ғолиб чиққан) клубларини бошқарган.
