Криштиану “Манчестер Юнайтед”ни тарк этади
Клуб футболчи билан келишиб олди.
“Манчестер Юнайтед” ҳужумчи Криштиану Роналду ёзда жамоани тарк этиши борасида келишиб олди. Бу ҳақда “The Sun ” нашри хабар берди.
Манбанинг ёзишича, “Манчестер Юнайтед” раҳбарияти Роналдуни уни клубда ушлаб тура олмаслигини англаб етган ва узоқ давом этган можародан қочишни истамоқда. "Манчестер Юнайтед" бош мураббийи Эрик тен Хаг клуб раҳбарияти билан суҳбатдан сўнг клуб келажагини Роналдусиз режалаштириши кераклигини тушунди.
Аввалроқ, 5 июль куни Роналду яна “Манчестер Юнайтед” машғулотларига келмагани, буни оилавий шароит билан изоҳлагани хабар қилинганди. Дастлаб Криштиану жамоага 4 июль куни келиб қўшилиши керак эди, бироқ бир неча кундан буён у Португалиядаги машғулотлар базасида якка тартибда машғулотларни давом эттирмоқда.
