"Манчестер Юнайтед"дан янгича ёндашув
Клуб бошланаётган мавсум учун уй либосини тақдим этди.
"Манчестер Юнайтед" 2022/2023 йилги мавсум учун янги уй либосини тақдим этди.
Либоснинг ажралиб турадиган элементларидан бири бу нақшли поло ёқаси. Бу "Манчестер Юнайтед" ўз тарихидаги муҳим дақиқаларда ўйнаган баъзи либослар дизайнини эслатади.
Янги тўпламдаги футболка бутунлай қайта ишланган материаллардан тайёрланган. У “Юнайтед”нинг уй либоси учун анъанавий қизил рангда тайёрланган. Елкада учта қора чизиқ бор.
Футболчилар илк бор мавсумолди тур доирасида Бангкокда “Ливерпул”га қарши ўртоқлик учрашувида янги формада майдонга тушишади.
Эслатиб ўтамиз, "Манчестер Юнайтед" 7 август куни “Брайтон”га қарши АПЛнинг янги мавсумидаги илк учрашувини ўтказади.
